آلام وأحزان وآهات
♥
الحزن والبكي يا ماما لا بيغني ولا بفيد
بسمتك بالدنيا ومحبتك نغم وكلامك تغريد
صباحك عسل حلاوته ونقاوته تفضل تزيد
حنانك وعطفك وطيبة قلبك بهجت العيد
ما تحزنيش وزغردي كل ما يموت شهيد
الدنيا غروره والناس مسحوره والموت أكيد
متشغليش بالك وحاربي الهموم بأعصاب حديد
كل ظالم وله يومه وحيقابل القوي الشديد
ضعفك وغضبك متفرجيش ومتخليش عدوك بعيد
ألمك وحزنك وآهاتك متخبيش والشكوى للمجيد
كل عصر وله ناسه ووقتنا مش مختلف ولا فريد
الضعف والخوف جهل والجبان تمنه رخيص وزهيد
الضاض جمعت العرب وتفرقوا لما عماهم التقليد
كتير سابوا المبادئ والفسده ضللوا العديد
نسيوا أصلهم وخانوا وطنهم وده مش جديد
ناس قبلت بالظلم والسكوت علامةالتأييد
قبلوا بحكام دخلتهم الصهيونيه بالتجنيد
تفتكرهم أسياد وتلاقيهم للدولار خدام وعبيد
إدت العرب الفرصه للأوغاد تفرقهم وتستفيد
إبتدى الفساد والإنحطاط سبب الهزيمة بالتأكيد
إشتعلت النار في الدار ووقف الوطن عن التنهيد
دخلوا الأعداء ودبحوا من الوريد إلى الوريد
بلادنا بخيراتها غنية والشعب محتاج للتوحيد
ما تبكيش يا ماما ده إنت بهجة القلب السعيد
موضوع: الام واحزان واهات.. 
الخميس يناير 10, 2008 10:29 pm
